Este novo proxecto terá unha duración de 12 meses con inicio previsto en setembro de 2016 e fin en agosto de 2017

Como en edicións anteriores, este programa comprende un completo conxunto de accións dirixidas á mellora da empregabilidade e á inserción no mercado laboral das persoas participantes. Entre outras desenvolveranse accións de:

• Información, orientación e asesoramento.
• Formación transversal en novas tecnoloxías e/ou idiomas.
• Formación para o emprego.
• Técnicas de coaching, intelixencia emocional e técnicas de motivación para a busca de emprego, tanto por conta propia como allea.
• Habilidades sociolaborais e obradoiros de entrevista.
• Fomento da capacidade emprendedora.
• Prospección empresarial.
• Emparellamento de ofertas de traballo coas persoas demandantes de emprego participantes.
• Prácticas profesionais non laborais en empresas.

O programa diríxese a un total de 60 PERSOAS desempregadas inscritas como demandantes de emprego no Servizo Público de Emprego, agrupadas nalgún dos seguintes colectivos prioritarios:

• Persoas desempregadas con discapacidade
• Persoas desempregadas en risco de exclusión social
• Menores de 30 anos de baixa cualificación
• Menores de 30 anos
• Mulleres desempregadas
• Persoas desempregadas de longa duración

Inscrición
Todas as persoas interesadas, pertencentes a calquera dos colectivos sinalados, que teñan a súa demanda de emprego no Concello de Ferrol, poden solicitar a participación neste programa no Servizo Público de Emprego de Galicia, na Oficina de Emprego de Ferrol-Centro, edificio administrativo da Xunta de Galicia, en Ferrol.

Accións:

- Ligazón accións formativas 1
- Ligazón accións formativas 2
- Ligazón prácticas