Gran final do Concurso de Piano. A partir das 20.00 horas. No Auditorio. Haberá tres finalistas; cada un deles tocará o seu programa coa Orquestra Sinfónica de Galicia. Entrada: 5 euros A continuación, fallo do xurado e entrega de premios.

Só no seu faro, sen ver nunca nada no mundo, un vello farero inventa a súa propia versión da realidade, utilizando palabras elixidas ao azar dun antigo dicionario, como un cego que tenta imaxinar a cor. Cada definición abre unha xanela ao mundo exterior, onde se coa na imaxinación. Miles de palabras convidan a imaxes e sons imaxinarios a dar vida ao silencio e a soidade en que se vive. É posible coñecer o mundo a través das definicións do dicionario? Ata onde nos leva a nosa imaxinación?

Moncho Borrajo despídese dos escenarios co seu último espectáculo “Acabouse “ e Ferrol non podía faltar nesta xira de despedida. Un espectáculo con algún dos seus mellores textos, cousas novas e un final dos que só Moncho Borrajo sabe facer.

Carmela debe realizar un traballo sobre a tradición castrexa e as mouras para a escola. A súa familia resolve todas as súas actividades coa tecnoloxía: as relacións, a alimentación, o estudo… Porque o seu lema é “unha vida tecnolóxica é unha vida ordeada”. A inesperada chegada do avó Eldemiro á casa, abrirá unha xanela a Carmela para descubrir en primeira persoa a lenda mitolóxica da moura, e reconectará á toda a familia co mundo real…

Marta e Pedro, Helena e Antón son dúas parellas que celebran nun destino paradisíaco vinte e cinco anos de relacións, de amizade e de viaxes en común. Pero a alegría desbordante do principio vaise tornar nunha situación chea de equívocos, revelacións inconfesables e descubrimentos de feitos pasados que provocarán que todo cambie entre eles. Xa nada será igual, todo será distinto... ou quizais non.