|
|
Novas accións formativas no Programa Inserta 3.
Mércores, 12 de febreiro de 2014
Durante este mes de febreiro comezan dous novos cursos dirixidos ás persoas beneficiarias deste programa.
O Concello de Ferrol desenvolve o Programa Integrado para o Emprego “INSERTA 3”, dirixido a 80 persoas desempregadas inscritas no Servizo Publico de Emprego de Galicia. Trátase dunha actuación que conta con financiamento da Consellería de Traballo e Benestar da Xunta de Galicia.
Este programa integrado para o emprego ofrece ás persoas beneficiarias a posibilidade de mellorar a súa empregabilidade e inserción laboral, a través dun itinerario que combina accións de información, orientación, asesoramento, formación, practica laboral, prospección de empresas e mobilidade xeográfica e funcional.
Para o proceso de selección das persoas participantes, o Servizo Publico de Emprego fixo unha preselección de máis de 200 persoas, pertencentes aos distintos colectivos obxectivo deste programa: menores de 30 anos, mulleres, parados de longa duración e persoas en risco de exclusión social.
O programa Inserta 3 deu comezo coa realización de actividades formativas transversais que se desenvolveron ao longo do mes de decembro:
- PRL Básico (60 horas)
- Habilidades Sociais (30 horas)
- Ferramentas tecnolóxicas para a busca de emprego (30 horas)
- Marca persoal (4 horas)
- Manipulador de Alimentos (5 horas)
Durante o mes de febreiro continuarase coa formación sendo as actividades programadas:
- Atención ao cliente e técnicas de venda (50 horas)
- Ofimática, nivel básico e avanzado (25 horas)
Complementariamente ás accións formativas desenvolvese orientación individual e grupal, prospección de empresas, tanto para a inserción como para a realización de prácticas.
Asociado a todo o programa e de cara a mellora da formación académica do grupo que non posúe a Educación Secundaria Obrigatoria, tense previsto nos meses de abril e maio a realización de clases de apoio para que poidan presentarse as probas libres da ESO en maio e setembro.
Este programa, así como outros que se executan dende o Centro de Emprego, está deseñado para a mellora da empregabilidade e a inserción laboral dos colectivos con maiores dificultades para acceder ao mercado de traballo.
Ligazón ás prácticas
|
|