Casa da Muller - Concello de Ferrol

Os cursos comezarán o vindeiro 17 de outubro

UN TOTAL DE 881 MULLERES SE INSCRIBIRON NOS OBRADOIROS DA NOVA TEMPADA DA CASA DA MULLER

·        A Concellería de Igualdade elimina as listas de espera e a participación acada unha cifra récord e moi superior ó ano anterior no que o número de usuarias non pasou de 160

Ferrol, 29 de setembro de 2011.- Un total de 881 solicitudes recibiu a Casa da Muller do Concello de Ferrol para inscribirse nas propostas de obradoiros feitas pola cidadanía para a nova tempada de actividades, que se iniciará o vindeiro 17 de outubro e se prolongará até o mes de xuño de 2012. Esta cifra supón unha demanda de participación récord nunha programación que por vez primeira está feita á carta, en función das suxestións das propias usuarias.  Hai que recordar que o ano pasado o número de inscritas foi de 160, e 250 mulleres quedaron en lista de espera.

A diferenza do que viña ocorrendo con anterioridade, todas as mulleres empadroadas ou residentes en Ferrol poderán acceder a este novo ciclo de actividades, xa que se eliminaron as listas de espera e soamente quedan sen admitir as mulleres que presentaran a súa solicitude fóra do prazo fixado. O resto das demandantes farán o obradoiro que teñan escollido. Neste sentido, das actividades propostas polas propias usuarias a que tivo maior demanda foi a dos cursos de informática. As clases, nos niveis de iniciación, medio e avanzado, se darán na Aula de Informática da Biblioteca Municipal da Praza de España. Pilates ou ioga son outros obradoiros cunha importante demanda e que, ao igual que o resto da programación que se dará a coñecer na súa totalidade nos vindeiros días e responderá ás peticións das propias mulleres, terán lugar nas instalacións da Casa da Muller.

Aberto o prazo para as mulleres que queiran impartir obradoiros na Casa da Muller no curso 2011/2012

Desde o día 11 de xullo está aberto o prazo para que aquelas mulleres que queiran impartir obradoiros na Casa da Muller. Nesta páxina podedes descargar o impreso que deberá ser enviado a través do correo Esta dirección electrónica esta protegida contra spam bots. Necesita activar JavaScript para visualizarla  , a través do correo postal (Rúa Lugo 56, C.P 15.402 - Ferrol), ou entregandoo persoalmente, nas instalaciones da Casa da Muller, sita na dirección antes sinalada.

Ademáis do impreso, haberá que adxuntar un curriculum vitae.

Fai clic debaixo desta frase e poderás descargar e cumplimentar o MODELO PARA IMPARTICIÓN DE ACTIVIDADES NA CASA DA MULLER