Programa Experimental ao abeiro da Orde do 5 de decembro de 2007 pola que se establecen as bases reguladoras e a convocatoria pública para a concesión de subvencións para a posta en práctica en Galicia, durante os anos 2008 e 2009, de programas experimentais en materia de emprego.

Os obxectivos xerais do programa son:

• Favorecer a incorporación ao mundo laboral dos colectivos obxecto de actuación.
• Establecer relacións co mundo empresarial para facilitar o acceso dos/as participantes aos postos de traballo.

Partindo deles o Programa conta cos seguintes obxectivos específicos:

• Mellorar as posibilidades de acceso a un emprego, a través da mellora dá empregabilidade dos participantes.
• Conseguir a inserción laboral de polo menos o 50% dos/as participantes no programa.
• Realizar labores de intermediación laboral para facilitar o acceso dos/as participantes ao mundo laboral.
• Coñecer a realidade do emprego para realizar a orientación laboral do modo máis adecuado posible atendendo as necesidades do empresariado

Resumo de actuacións:

• Nº de persoas entrevistadas: 210
• Nº de persoas participantes no programa: 50

Formación profesionalizante:

• Curso “Dependente de sección de supermercado”

Data de inicio: 2 de marzo
Data de finalización: 21 de maio
Formación específica. 250 horas teórico-prácticas nos centros de traballo da empresa Froiz.
Formación complementaria: 20 horas (10 horas de introdución á informática e 10 horas de orientación laboral).
Nesta acción participan 15 alumnas.

• Curso “Manexo de carretilla e maquinaria auxiliar”

Data de inicio: 27 de marzo
Data de finalización: 30 de abril
Formación específica: 80 horas (32 horas teóricas e 48 de prácticas en empresa). A empresa encargada de impartir a formación teórico-práctica é Rilo Maquinaria.
Formación complementaria: 20 horas (10 horas de introdución á informática e 10 horas de orientación laboral).
Os participantes nesta acción formativa son 20 persoas desempregadas.

• Curso “Limpeza de inmobles”

Data de inicio: 26 de marzo
Data de finalización: 14 de maio
Formación específica: 90 horas teórico prácticas. A empresa encargada desta formación é Servisol.
Formación complementaria: 20 horas (10 horas de introdución á informática e 10 horas de orientación laboral).
Os participantes nesta acción formativa son 15 persoas desempregadas.