Cunha duración de 8 horas, este curso desenvolverase no Centro de Emprego do Concello de Ferrol durante dúas xornadas a partir da segunda metade do mes de outubro. Esta formación ten carácter gratuíto, e as prazas son limitadas.

Ten como obxectivos coñecer as normas de hixiene alimentaria e o papel do manipulador na seguridade dos alimentos, coñecer cales son os principais contaminantes alimentarios, coñecer as boas prácticas de manipulación de alimentos e as consecuencias dunhas prácticas incorrectas de hixiene, coñecer os principais alérxenos alimentarios e a súa correcta xestión na empresa, en cumprimento do Regulamento 1169/2011, e coñecer o sistema de autocontrol baseado na Análise de Perigos e Puntos de Control Críticos (APPCC).

Os contidos formativos deste curso serán os seguintes:

• Manipulación de alimentos
• Contaminación dos alimentos
• Conservación e etiquetaxe de alimentos
• Boas prácticas de hixiene dos manipulador
• Sistemas de autocontrol
• Guía de boas prácticas de fabricación
• Xestión de alérxenos

As persoas destinatarias deberán estar en situación de desemprego, e terán preferencia as persoas mozas, as mulleres, e as persoas que figuren no padrón do Concello de Ferrol.

A inscrición realizarase no Centro de Emprego do Concello de Ferrol, e a documentación a presentar será a seguinte:

• Ficha de inscrición cuberta e asinada
• Copia tarxeta demandante de emprego
• Volante padrón
• Copia Curriculum Vitae
• Copia do NIF / NIE