Cunha duración de 60 horas, este curso desenvolverase no Centro de Emprego do Concello de Ferrol durante dúas semanas a partir da segunda metade do mes de outubro, en horario de mañá. Esta formación ten carácter gratuíto, e as prazas son limitadas.

Impartiranse os coñecementos teóricos-prácticos para o desenvolvemento da actividade laboral en función dos riscos detectados no posto de traballo. A formación ten como obxectivo motivar nas persoas unha actitude de positiva predisposición cara a prevención.

Os contidos formativos deste curso serán os seguintes:

• Conceptos básicos sobre seguridade e saúde.
• Riscos xerais e a súa prevención .
• Riscos específicos e a súa prevención no sector correspondente ao sector da empresa.
• Elementos básicos de xestión da prevención de riscos.
• Primeiros auxilios.

As persoas destinatarias deberán estar en situación de desemprego, e terán preferencia as persoas mozas, as mulleres, e as persoas que figuren no padrón do Concello de Ferrol.

A inscrición realizarase no Centro de Emprego do Concello de Ferrol, e a documentación a presentar será a seguinte:

• Ficha de inscrición cuberta e asinada
• Copia tarxeta demandante de emprego
• Volante padrón
• Copia Curriculum Vitae
• Copia do NIF / NIE