O pasado venres 29/07/2016 tivo lugar o acto de clausura do Programa Inserta 5, coa presenza do Alcalde Jorge Suárez, do Concelleiro de Emprego Álvaro Montes e do Director Xeral de Orientación e Promoción Económica Alfonso Marnotes González.
As 80 persoas deste programa pertencen a cinco colectivos:
- Menores de 30 anos;
- Menores de 30 anos con baixa cualificación;
- Mulleres desempregadas;
- Persoas desempregadas en risco de exclusión social;
- Persoas desempregadas de longa duración
Dentro do Ferrol Inserta 5 desenvolvéronse diversas actividades, como accións formativas, de orientación e asesoramento individual; de orientación grupal, e prácticas profesionais non laborais, nas que colaboraron un total de 44 empresas de Ferrol e comarca.
Este programa permitiu que un 55% de persoas tiveran a posibilidade de traballar, ou traballen, no período da execución do mesmo. Un 16,66% de persoas foron inseridas nas mesmas empresas onde realizaron as prácticas profesionais non laborais
Este programa busca darlle continuidade á colaboración mantida nos últimos anos entre a Consellería de Economía, Emprego e Industria e o Concello de Ferrol para habilitar ferramentas de inserción para o colectivo de persoas desempregadas no territorio. O seu obxectivo fundamental por tanto é conseguir un 45% de inserción profesional laboral.
