Os beneficiarios serán 15 proxectos da comarca de Ferrol, Eume e Ortegal, que serán seleccionados por un comité de expertos de entre todos os presentados.

As solicitudes presentaranse no Rexistro Xeral do Concello de Ferrol, sito en Praza de Armas, s/n, en horario de 9:00 a 14:00.

Presentarase en sobre pechado, consignando no exterior o nome do curso “Emprende con Éxito Ferrolterra” e os datos do solicitante.

Este sobre conterá a seguinte documentación:

• Anexo I cuberto.
• Anexo II cuberto.
• Copia do D.N.I. de todos os promotores do proxecto.
• Copia do Curriculum Vitae de todos os promotores do proxecto.

O curso terá unha duración total de 200 horas, divido en fases.

A primeira fase teórica, cunha duración de 60 horas, en horario de tarde, de 17:00 a 19:30, desenvolverase no Centro de Emprego do Concello de Ferrol. A continuación organizaranse unhas mesas redondas en colaboración con algúns dos emprendedores máis destacados da Comunidade Autónoma de Galicia. Ademais realizaranse visitas guiadas a empresas, dentro das comarcas de Ferrol, Eume e Ortegal. Estas visitas teñen como finalidade dotar dunha visión práctica da organización e funcionamento no día a día dunha empresa.

Elaboración do Plan de Negocio. Cada un dos proxectos desenvolverá a idea de negocio inicial coa que comezaron o curso, en atención ós coñecementos e ferramentas adquiridas ó longo do mesmo. Esta fase terá unha duración de 60 horas, e realizarase en horario de tarde de 17:00 a 19:30, no Centro de Emprego do Concello de Ferrol. A continuación asignarase a cada proxecto un titor persoal para os primeiros pasos como emprendedores.
 
BASES (.pdf)

ANEXOS (formato .rar)