Con este obradoiro preténdese facer fincapé na importancia do deseño e contido destes dous documentos que supoñen a primeira toma de contacto coa empresa. Algúns dos contidos a tratar serán: 

• Recompilación da información para a posterior elaboración do seu curriculum. 
• Deseño de contidos e posta en valor de información relevante. 
• A carta de presentación (motivacións, aptitudes e actitudes, inquedanzas profesionais e mostra do coñecemento da empresa á que se dirixe). 
• Consellos a ter en conta na elaboración tanto do curriculum como da carta de presentación. 
• Crenzas erróneas que se deben evitar.

A data prevista para a impartición deste obradoiro será o mércores 31 de marzo do 2010 en horario de 10:00 a 14: 00 horas.

Tamén está previsto a realización doutros dous obradoiros onde se tratarán aspectos relacionados coa “Preparación de procesos de selección” e “Recursos para a busca de emprego e formación a través da Rede” e celebraranse o 14 de abril e o 12 de maio respectivamente.

Todas aquelas persoas interesadas na realización de calquera destes obradoiros poden inscribirse ben chamando por teléfono ó 981 944 195, achegándose ó Centro de Emprego situado na Rúa Sagrada Familia nº 56 ou enviando un correo electrónico a calquera destes enderezos:
orientacion@ferrol.es
info.laboral@ferrol.es